Sumarið 2018 réðumst við í samfélagsmiðlaherferð fyrir Leitarstöð Krabbameinsfélagsins. Markmiðið var að hvetja fleiri konur til að mæta í skipulagða skimun fyrir brjósta– og leghálskrabbameinum, en mæting hafði farið dvínandi á seinustu árum, sérstaklega hjá ungum konum.

Vilji var til þess að vera beinskeyttari en oft tíðkast í auglýsingum sem beint er að konum og reyna þannig að ná athygli þeirra og skapa umræður. Skilaboðin voru birt hjá völdum markhópum á samfélagsmiðlum þar sem við tvinnuðum saman skærum litum og sterku myndmáli sem fær fólk til að stoppa og hugsa. Þá vildum við líka skapa hugrenningartengsl við hversdagslega hluti í umhverfinu sem svo minna konur á að líta aðeins nánar í eigin barm. Og auðvitað mæta á leitarstöðina.