Brandenburg uppfærði heildarútlit Lífeyrissjóðs verzlunarmanna þar sem eldra merki sjóðsins var bæði langt og endurspeglaði ekki starfsemi sjóðsins. Takmarkandi útlit aðlagaðist sömuleiðis illa hinum stafræna heimi og þörf var á heildarendurskoðun.

Lífeyrissjóður verzlunarmanna hefur nú dýnamískt heildarútlit sem getur aðlagað sig að öllum snertiflötum sjóðsins á nútímalegan hátt. Uppfært merki endurspeglar vöxt, hreyfingu og skýra stefnu. Litapallettan var stækkuð, m.a. til þess að takast á við mikla tölulega framsetningu. Í dag er sjóðurinn litríkur, líflegur og á sama tíma faglegur.