Okkur var falið að auka vörumerkjavitund Orkunnar á meðal yngra fólks. Hvað á þá betur við en nýr tölvuleikur?

Happakstur Orkunnar var tveggja vikna æsispennandi kappaksturskeppni. Myndheimurinn var unninn í anda bílaleikja 9. áratugarins, en uppfærður með íslensku umhverfi og nýlegu lagi með hljómsveitinni Clubdub, sem var sérstaklega útsett í 8bit útgáfu fyrir leikinn.

Leikurinn vakti sérstaka lukku, enda fór hann í loftið á prófatímabili mennta- og háskólanema. Þá er nefnilega öllum ráðum beitt til að fresta lærdómnum…