Árið 2012 ákvað Skúli Mogensen að stofna flugfélag. Hann hafði samband og bað okkur að koma með tillögu að nafni. Fimm mínútum fyrir fund sendum við sms: „Hvað með WOW?“. Það reyndist hola í höggi og þá þurfti bara að teikna merkið og mála vélarnar fjólubláar. Síðan eru liðin 6 ár og hefur vöxtur WOW verið vægast sagt ótrúlegur. Við erum stolt af árangrinum og glöð að hafa fengið að fljóta með þvert yfir heiminn.