Samstarf okkar og Kjörís hefur verið ansi gott, enda fátt betra en að vinna með ís. Zombís er þó líklega það verkefni sem stendur uppúr, en þá fengum við að búa til óhuggulega en þrælskemmtilega uppvakninga og gefa þeim nöfn og litla forsögu. Þeir Flagnar, Dauðunn og Fnykulás eru aðeins þrír af þeim 24 mismunandi zombísum sem bíða í kælinum eftir að verða étnir. Zombís borðar þú með því að klippa ofan af höfði uppvakningsins og gæða þér svo á safaríku innihaldinu.